人物：大力 | 五十零歲（？），單身，黑黑實實，有啤酒肚，天南地北咩都啱傾。香港土生土長，大概從19年開始多啲番來休息，佢話抖下喎
「我返嚟玩咋嘛」。他所指的「玩」不是遊山玩水，是一種踏實的創作，他說自己是「鐵佬」，我的理解大概是工程相關的吧（？）
「拎人哋啲屋嗰啲橫樑，冧咗嗰啲嚟做㗎，然後我就鋸短佢做呢啲圍欄，日式嘅！」
「日式㗎？」我驚訝地問，
「日式嗰啲咁矮都有㗎（比一比膝頭高度）」大力接著開始講英式圍欄的高度（恕我無法記得🤷🏻♀️）
及後見到另一邊的圍欄，就是直白的轉個角度思考，由平日多見向高發展的長梯橫放而成「蛀咗㗎喇，爛咗㗎啦，我咪拎黎擺囉」
大力表示在這裡要創作，你要「周圍搵啲料，無呀焗住㗎呢度逼住要你咁做」任何時候都咁豁達的大力說。
其中一個原因是交通的限制，去谷埔可以選擇在鹿頸行一小時入去，又或是在沙頭角坐船（大概是最方便的交通方法）谷埔的石屎路較狹小，道路也不容大型車輛駛入，想做工程要運材料不容易啊。
他視每一件為自己的創作，自己的藝術品「樣樣都得一件㗎咋，多一件都無㗎」
其中一件，他把鐵焊成竹般，一節一節，「我又試下整到啲枱腳好似竹咁啦，係咪呀！」
厲害的鐵佬。
我眼中的鄉郊的限制，在大力看來，是另一個自由。