望下屋頂就知身處何方？瓦片幫到你！
唔似得全世界通用嘅玻璃幕牆
常見瓦片嘅外形分「板」同「筒」；以板瓦鋪法嚟講，U形咁弧叫做「仰」，而反轉側叫做「合」。
梅子林荔枝窩等客家村嘅係「仰合」瓦，經濟實用，由於角度少於27，呢種鋪法唔駛灌漿落釘已經可以防風、跣水、疏氣。
光澤亮麗嘅「上釉筒瓦」則較多出現於廟宇大宅。清代對琉璃瓦顏色亦有嚴格規定：黃色只可以皇帝使用、綠為官、藍祭天。
中英合璧的結晶如立法會、舊大埔警署（現綠匯學苑）大多係「雙筒雙瓦」，貪佢隔熱又穩陣。嗰段時期嘅某啲唐樓例如永和號，都係雙層中式。而最後，如果你睇緊戲見到啲瓦竟然係S型的話，代表果套係日本片喇
